الشهر الأول في الحمل

طفلي الصغير فين؟

الجنين بتاعك دلوقتي بيبقى شبه نوعا ما علامة الترقيم الفاصلة براس صغيرة وبدايات أربع أطراف، وبيبدأ الحبل السري إنه يتكون وبتتكون الدورة الدموية بين الجنين و المشيمة.

في الحقيقة، الجنين بدأ ياخد شكل بيضاوي متكون من تلات طبقات من الخلايا، واللي هتكون بذرة بُنا هياكل وأعضاء الجسم المختلفة.

طبقة الأدمة الباطنية (الطبقة الداخلية) هتي اللي هتكون أعضاء الجنين، يعني مثلا: الجهاز الهضمي والكبد والبنكرياس والجهاز التنفسي، والطبقة اللي في الوسط هتكون الهيكل العظمي والقلب والأوعية الدموية والأعضاء التناسلية، والطبقة الخارجية هتكون الجهاز العصبي والأعضاء الحسية والجلد والشعر والضوافر، ولما يتكون نتوء في الوسط فده اللي هيبقى راس الجنين بعدين، ومع بداية تكون القلب هيبدأ بالنبض على هيئة أنبوب قلبي مع نهاية الأسبوع التالت.

كل حاجة جاهزة إننا نقول عليها "تخلق الأعضاء"، يعني مثلا: خلق الأعضاء الداخلية المختلفة وبداية الدورة الدموية، هتبدأ المرحلة دي في الاسبوع الرابع.

العادات الغذائية الكويسة

 ادي  اهتمام أكبر للاكل اللي بتاكليه! بس ده برضه مش معناه إنك تاكلي لاتنين، بس معناه إن احتياجاتك اتغيرت مع بداية الحمل، وعشان تتأكدي من التطور الكويس والسليم للجنين بتاعك لازم تاكلي أكل فيه حديد وحمض الفوليك كتير (أو فيتامين B9).

عشان تبعدي عن خطر  إصابة الجنين بتاعك بأي أمراض خطيرة (زي الليستريا (مرض طفيلي بيصيب المخ)  أو داء المقوسات (التوكسوبلازما)) استشيري الدكتور بتاعك. بننصح إنك تبعدي عن شوية اكلات زي الأسماك والمأكولات البحرية النية ومنتجات الألبان المتصنعة من لبن مش متبستر، ويستحسن إنك تسوي  اللحمة بشكل كويس (ابعدي عن اللحمة الغريبة واللحمة النية)، وغسل الفواكه والخضراوات كويس قبل ماتاكليها.

افتكري العادات الصحية السليمة: اتأكدي من غسل إيديكي قبل تحضير الوجبات وأكلها على الترابيزة، وافتكري تنضفي التلاجة بشكل منتظم وتستشيري الدكتور عن الاحتياطات اللازمة.

سؤال: هو لازم آخد مكملات غذائية؟

لو كنتي ماشية على عادات غذائية متنوعة ومتوازنة قبل الحمل، هيكون احتياجك للمعادن والفيتامين متوفر بشكل طبيعي، في الحقيقة وبالرغم من كده؛ في أحيانا سيتات بتشتكي من نقص المعادن والفيتامينات دي بالذات الحديد وحمض الفوليك، العنصرين المهمين عند بداية الحمل. فالدكاترة هيوصفوا مكمل حمض الفوليك للحوامل أو للي عايزين يحملوا (وقت المتابعة قبل الحمل مثلا)، لو كنتِي بتشتكي من نقص الحديد الدكتور ممكن ينصحك بمكمل غذائي، ولازم في كل الأحوال إنك ماتاخديش المكملات الغذائية من غير ماترجعي للدكتور.

عدت أربع أسابيع على الحمل و وزن المولود زاد 10,000 مرة، وعلى حد علمك؛ فإنتي يا دوب لسه عارفة بعد مرور تسع أو 8 شهور إنك هوتلدي طفلً جميل، وكل ده هو سرك الصغير لحد دلوقتي.