الأسبوع الثامن من الحمل

نمو الجنين

بتتشكل صوابع رجله وإيده وبيبقى قادر يلمس الإبهام بالسبابة. أمعاءه عمّالة تتطول والجهاز البولي التناسلي في طريقة للاكتمال. في نهاية الأسبوع التامن، القلب والأوعية الدموية للجنين بيكتمل تكوينها، ولو عملتي سونار في الوقت ده، هتسمعي نبضات قلبه بصوت أوضح بكتير من الأسبوع الخامس...هتسمعي بمعدل ٨٠ نبضة في الدقيقة.

جسمك

هتلاحظي تغييرات في الوزن؛ ممكن تبقي خاسة وممكن تبقى زايدة، وده بيختلف من ست للتانية. التغييرات الهرمونية هي اللي مسئولة عن ده

نظام أكلك

كلمة السر الفترة دي: المياه. المياه هي أحد المكونات الأساسية للدم وأكتر عنصر جسمك محتاجه وهيجنبك خطر الجفاف. أشربي ما لا يقل عن ١.٥ لتر مياه يوميًا وكتّري على قد ما تقدري خصوصًا في الأيام الحر. أبعدي عن المشروبات اللي فيها نسبة سكر عالية أو كافيين. 

نصايحنا

استشيري دكتورك لو حصل زيادة عالية بشكل ملحوظ في الوزن الفترة دي. لأن طبيعي تفقدي وزن أو تزيدي لكن مش بنسبة عالية. حاجة كمان، لو كان وزنك أقل من المتوسط قبل الحمل، ما تقلقيش، إنما لو كان وزنك طبيعي أو زايد من قبل الحمل، دكتورك هيبقى محتاج يتابع نظام أكلك يوميًا وده هيبقى برضه أفضل لك.