أفضل الأوضاع للرضاعة
قرار الرضاعة الطبيعية بيحتاج له شوية معرفة علشان يتم بشكل سليم وتتجنبي آلام زي التهاب الحلمات ووجع الضهر. بعد ما تعرفي الأوضاع الصح هتحسي بالتأقلم والتعود والراحة بمرور أيام قليلة.
أكتر وضع متعارف عليه
تحطي ابنك قدامك وبطنه في اتجاه بطنك. لو بيرضع من الصدر الشمال يبقى اسنديه بدراعك وإيدك الشمال وريحّي كوعك على حاجة مريحة ليكي واتحكمي في راسه بحيث تبقى دقنه لامسة الصدر ومناخيره فوق الحلمة. استخدمي إيدك اليمين في إنك توجهي راسه وبؤه ناحيتك.
وضع الرضاعة في السرير بالليل
نامي على جانبك ونيميّه هو كمان على جانبه، وخلي وشه قدامك وبؤه في نفس مستوى الحلمة. ميزة الوضع ده إنه بيريّح دراعاتك لأنك مش محتاجة تستخدميهم.
وضع تاني
أقعدي مربعة وعلى ركبتك مخدة، واسندي ضهرك على حاجة مريحة.
في آخر كل رضعة بيهدى وينام وبتبقى لحظة فيها انسجام وسعادة بالنسبة لك بتهوّن عليكي كل التعب.
